សារលិខិតអបអរសាទរ របស់ឯកឧត្តម តុប សំ ប្រធានក្រុមប្រឹក្សាជាតិប្រឆាំងអំពើពុករលួយ និងកិតិ្តនីតិកោសលបណ្ឌិត ឱម យ៉ិនទៀង ទេសរដ្ឋមន្ដ្រី ប្រធានអង្គភាពប្រឆាំងអំពើពុករលួយ ព្រមទាំងថ្នាក់ដឹកនាំ និងមន្ត្រីរាជការទាំងអស់ក្នុងស្ថាប័នប្រឆាំងអំពើពុករលួយ សូមសម្តែងនូវមនោ សញ្ចេតនារំភើបរីករាយ និងអបអរសាទរយ៉ាងកក៏ក្តៅបំផុត
សូមគោរពជូន សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាប្រធានក្រុមឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា ក្នុងឱកាសដ៏ឧត្តុង្គឧត្តមដែល សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាប្រធានក្រុមឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា មហាវីរបុរសជាតិប្រចាំសតវត្សរ៍របស់កម្ពុជា ស្ថិតក្នុងបេះដូងប្រជាជនកម្ពុជាគ្រប់ស្រទាប់ ត្រូវបានសភាអន្តរជាតិដើម្បីការអត់ឱន និងសន្តិភាព (PTP) នៃក្រុមប្រឹក្សាសកលដើម្បីការអត់ឱន និង សន្តិភាព (GCTP) ប្រគល់ពានរង្វាន់ “មេដាយមាសសន្តិភាព ដើម្បីមនុស្សជាតិ និងភពផែនដី នាឱកាស ដ៏មហានក្ខត្តឫក្សនៃសម័យប្រជុំពេញអង្គលើកទី១១ នាថ្ងៃទី២៤ ខែវិច្ឆិកា ឆ្នាំ២០២៤ នៅរាជធានីភ្នំពេញ។
